කතාවක් දිගේ ඇවිද යමුද

ඔබ දැන් සුදානම් වන්නේ මෙය කියවීමටය. පුටුවකට බරවී සුවපහසුව හිදගත් ඔබ මේ වචන මතින් තම ඇස් දුවවන්නේ මෙය කුමක්දැයි දැන ගන්නටය.. ඔව් මේ සුදානම  කතාවක් කීමට බව සැබෑය. එහෙත් එයට ඔබද සම්බන්ධ විය යුතුය.. මක් නිසා යත් මේ කතාව ගලා යන්නේ ඔබත් සමගමය. ඉතින් මා ඔබට ආරාධනාවක් කරමි. එන්න, මේ කතාව තුලට මා සමග ඇවිද යන්න...ඔබ  මාගේ ආරාධනාවට අකමැති නම් මා මෙතනින්ම ඔබට සමු දෙමි.

.........................................................

එහෙත් ඔබ මා සමග ඉදිරියට යාමට කැමති වේ නම්,

.

.

කම්මැලි කමින් පිරුණු ඔය සුපුරුදු තැනින් නැගිටින්න..

අපි පටන් ගමු.....

 

එන්න යැයි අඩගැසූ පමණින් ආ ඔබේ සිතේ ප්‍රශ්න රැසක් පැන නැගී ඇති බව දනිමි.

 

අපි කොහෙද යන්නේ ඒ ඔබේ පළමු වැනි ප්‍රශ්නය වනු ඇති,

අප මේ යන්නේ කතාවේ ප්‍රධාන චරිතය සොයමින්ය.

 

ප්‍රධාන චරිතය කවුදැයි ඊළගට ඔබ අසන්නට සැරසෙනු පෙනේ.

අපගේ ප්‍රධාන චරිතය සිටින්නේ කදුකරයේය. ඔහේ ගලා යන දිය සීරාවන් අතරෙන් ඇදී යන මීදූම් සේලයන් මැද්දේ ඇයව සොයා යාමට ඔබ කැමති වේ යැයි සිතමි.

 

එක්වරම කඩා පැන මා සමග එන්නැයි කීවද  ඈ සොයා යෑමට පෙර මේ ගමනට ඔබ සූදානම් විය යුතු යැයි දනිමි. එම නිසා දැන් ඔබ ගමනට සූදානම් වන්න...

හෙට උදෑසන මා නැවතත් ඔබ හමුවට එමි...