Thursday, March 24, 2011

එහෙනම් එකත් ජය සිරි මංගලම්...

හිතුවෙවත් නැති දවසක....හිතන්නැතුවම හමු වුන....
නිදහසේ නිදා ගන්ටවත් නැති හැටියක්...ෆෝන් ක‍ට්ට බෙරිහන් දෙන්න පටන් ගත්තා...
හෙලෝ කවුද මේ?
කොහොමද චුටි ...ගොඩ දවසකින්....
මම ටිකක් වෙලා බලන් උන්න එක පාරට මිටර් වුනේ නැ කවුද කියලා....
අපෝ ඔච්චර ඉක්මනට මාව අමතක වුනාද?
ආ.....මේ මෙයානේ....මට එකපාරට අදුර ගන්න බැරි වුනා...කොහොමත් ආයෙ කවදාවත්ම කතා කරන්නැ කියපු කෙනා ආයෙ කතා කරයි කියල කවුද දන්නෙ.... ඉතින් කොහොමද... 
මම පුළුවන් තරම් වෙනසක් පෙන්නන්නෙ නැතුව කතා කරන්න උත්සහ කලා...
නිකමටවත් අපිව මතක් වෙන්නෙ වත් නැ නේද...අඩුම තරමේ ඉන්නවද මැරිලද කියලාවත් බලන්න තිබුන නේද?
සුපුරුදු තැටිය...එක තැන කැරකෙනවා.....මම හෙව්වෙ නැතුවට හොයන්න අය ඕන තරම් ඉන්නව නේද කියලා කියන්න හිතුවත්..මුකුත් කියන් නැතුව .. මම ඔහේ අහගෙන හිටියා...මොකෝ සද්ද නැත්තේ කෝ කට?
නැ මේ....මට නිදිමතයි...ඇයි කෝල් කලේ...හදිස්සියකටද
මට ඕන වුනේ ඉක්මනට ෆෝන් එක තියන්න...
හදිස්සියක් නෙමෙයි...ඒත් ඔයාට කියන්න දෙයක් තියෙනව.
ආ කියන්න
චුටි මම ලගදි බදිනවා...
එක පාරටම මට කියන්න දෙයක් මතක් වුනේ නැ......
චුටි අහගෙනද ඉන්නේ? හෙලෝ.....???
ඔව් ඔව් මම අහගෙන ඉන්නෙ....ඇත්තටම මට ගොඩක් සතුටුයි....මම මුළු හදවතින්ම සුබ පතනවා ඔයාට...
හ්ම්....තැන්ක්ස්...ඔයා හොදින් ඉන්නව නේද චුටි
අපෝ ඔව් මම ගොඩාරියක් හොදින් ඉන්නේ... වෙන කවදටත් වඩා හොදින්.... මම හිනා වුනා...සමහර විට මම ඕනවටත් වඩා හිනා වෙන්න ඇති...
ඔයා තාමත් හරියට බොරු කියනව නේද?ඒත් තාමත් ඒ බොරු ඉක්මනට අහුවෙනව...
සමච්චල් හිනාවකුත් එක්ක එහෙම කියද්දි ඇත්තටම මට කියන්න දෙයක් තිබුනෙ නැ...
මම කිව්වෙ ඇත්ත...මම සතුටින්...ඇයි මම දුක් වෙන්නෙ...දුක් වෙන්න මට කිසි දෙයක් නැති වුනේ නැනේ..ඇරත් නැති වෙන්න මට කියල කිසි දෙයක් තිබුනෙත් නැනෙ...
අන්තිම ටික කියද්දි මගේ කටහඩ බාල වුනා වගේ කියලා මටම දැනුනා...ඔන්න දැං මෙතන ටැප් එක ඇරියා වගේ අඩන්නෙ එහෙම නැ ඕං..මම මගේ හිතටම අනතුරු ඇගෙව්ව...
හ්ම්...හරි හරි...
මම තියන්නම් එහෙනම්...
ඉන්න... ඔයා එනව නේද වෙඩින් එකට...
මම? බලන්නම්...පුළුවන් වුනොත්...එහෙම කිව්වට මම කොහෙ යන්නද....
ඔයා කොහොම හරි එන්න චුටි..මම බලන් ඉන්නව....එච්චරයි කිව්වෙ..ෆෝන් එක කට් වුනා.... 
හ්ම්....එහෙනම් එකත් ජය සිරි මංගලම්...

Monday, March 14, 2011

ඇඩියාවට තිත

      අකීකරු හිත ගොඩක් වෙලාවට කුරුටු ගෑවේ දුක ගැන....කදුළු ගැන...ඒත් අදින් පස්සේ මේ  මේ හිත යට දුක කුරුටු ගෑම නතර කරන්න හිතුවා..ඒ වෙනුවට හැමෝටම සතුටක් වෙන දේවල්...මොනාහරි ලියන්නයි යන්නේ...  ජිවිතේ නොලැබුන දේවල් ගැනම කියෝනවට වඩා..ජිවිතේට ලැබුනු දේවල් ගැන හිතන එක හොදයිනේ...ඔන්න ඉතින් අද ඉදන් මගේ ඇඩියාව නවත්තනවා....කට්ටියටම කනක් ඇහිලා ඉන්න පුළුවන් දැන්...
ජිවිතය මහ දුකක් දුර යන්න තියෙනවා
ඒ යද්දි මේ හීන බොද වෙන්න බලනවා
ඒත් හිනහෙමි මම ගිමන්හල පෙනෙනවා
ජිවිතය ගීතයක් තනුවකුත් තියෙනවා.....

Saturday, March 12, 2011

ඉංගිරිසිය

                 අකිකරු හිත මේ දවස් වල හරි බිසීය....බිසී කීවාට කරන වැඩක් නම් නැත්තේය..ඒ වුනත් බිසීය... පහුගිය ටිකේ ලැබුන නිවාඩුද...හොරාට ගත් නිවාඩුද...නිසා ජංජාලය පුරා කරක් ගසමින් විකාර කෙරුවේය...ඒත් දැං ආයෙමත් පොත් ගොඩ බදා ගන්ට වෙලාය...ඉංගිරිසිය ඇරෙන්නට ඕන මගුලක් ඉවසිය හැකිය....අපේ මව්තුමිය කියන්නෙ හුස්ම ගන්ටත් ඉංගිරිසිය ඕනැ කියාය...මම මෙච්චර කල් හිතා උන්නේ හුස්ම ගන්ට නහයක් තිබුනාම ඇති කියාය. ඒත් දැං ඉංගිරිසියත් ඕනැලුය...ඉතින් දැං මං කඩ්ඩ පොලිෂ් කරගන්ට උත්සහ දරනවාය...මක් නිසාද යත් මොනව කරන්ටත් කලින් හුස්ම ගන්ට ඕනැය....
                        ඉංගිරිසිය ගැන කියද්දි මතක් වුන කතාවක් තියෙනවාය....මෙක සිද්ධ වුනේ මයේ යාළුවෙකුගේ මල්ලි කෙනෙකුටය...අපි දවසක් සතුටු සාමිච්චියේ යෙදි සිටිද්දි මයේ යාළුවාට මැසේජ් එකක් ආවාය....ෆෝන් එක තිබුනේ මලයා ගාවය...ඉතින් මලයා කාටත් ඇසෙන්නට මැසේජ් එක කියවනවාය...මලයා ඒක කියෙව්වේ මෙසේය... “හෙට ෆැකල්ටියට එද්දි මගේ පොත ගේන්න..මම 8ට එනවා.ටකේ කරේ....
         මුල් ටික නම් අපට තේරුනාය..ඒත් අන්තිම ටික නොතේරුනාය... ටකේ කරේ...???? ටකයක් එල්ලන්නේ නම් කුරුල්ලෝ එළවන්ටය..දැං කරේවත් එල්ලනවාදැයි දන්නේ නැති නිසා  අපි නැවතත් එය කියෙව්වාය..එතකොට නම් වෙච්ච දේ තේරුනාය...සිංගිරිසියෙන් ලියපු මැසේජ් එකක් නිසා මලයාට ටැපලිලාය...මැසේජ් 1 තිබුනේ මෙසේය...heta faculty eddi mage  potha genna. mama 8 ta enawa... take care...  ටේක් කෙයාර් සිංහල විදිහට කියවන්ට ගිහින් පොඩි එකා අලුත් කාඩ් එකක් රෙජිස්ටර් කරගත්තේය....

දැං මලයාගේ නම ටකේ කරේය... මේක කියවා මලයා මාත් එක්ක අමනාප වේවිද දන්නෙ නෑය...
ඉතින් දැං කම්මැලිය.. නැවතුනා නම් හරිය...